Над ракой, што прабягае Праз далёкае маленства I забытыя легэнды, Неяк зноў спыніўся я. Зноў у тоні, як у люстры, Ўбачыў белыя аблокі, Кучаравыя бярозы, Быстры човен рыбака. I здаецца, каб даўжэй я Паўглядаўся, мог бы ўбачыць I знаёмую русалку, Што тут некалі жыла. Што ля млына кожным ранкам Выплывала рваць лілеі, Потым на зары сушыла Косы русыя свае. Толькі я, неасьцярожны, Ідучы, абрушыў камень, I ў разьбітым люстры тоні Зьніклі цені дзён былых. I спалохана ўзьняліся З трысьнягоў густых, з аеру Кнігаўкі, каб небясьпеку Ад сваіх адвесьці гнёзд. Ды, пазнаўшы старажыла, Мне спусьціліся на плечы. Як я ім і сёньня ўдзячны За іх памяць, за любоў!
1963
|
|